တစ်ခါတစ်လေမှာ မိဘလုပ်ရတယ်ဆိုတာကလည်း ပြင်းထန်ကြမ်းတမ်းလှပါတယ်။ ကိုယ့်ရဲ့ သားသမီးလာမယ့် အနာဂတ်မှာ အကောင်းဆုံးဖြစ်စေနိုင်ဖို့အတွက် စွန့်လွှတ်မှု အနစ်နာခံမှုတွေကို ပြုလုပ်ကြရပါတယ်။ ဒီတစ်ခါ ဗြိတိန်က ဆယ်ကျော်သက်မိဘတွေကတော့ သမီးငယ်လေး ခြေထောက်ဖြတ်ရတဲ့ အခြေအနေကနေ ကင်းဝေးစေဖို့အတွက် တစ်နေ့ကို ခြေထောက်ရိုး သုံးခါကျိုးပြီး ခြေထောက်အရိုးတွေပိုရှည်ထွက်လာအောင် ပြုလုပ်ခဲ့ရတယ်လို့ သိရပါတယ်။
အယ်လ်စီလို့အမည်ရတဲ့ သမီးဖြစ်သူလေးဟာ မွေးဖွားလာပြီးနောက်ပိုင်းမှာ မသန်မစွမ်းရောဂါနဲ့ ကြုံတွေ့ခဲ့ရပြီး သူမရဲ့ ဘယ်ဘယ်ခြေထောက်လေးဟာ ညာဘက်ခြေထောက်ထက် သိမ်နေခဲ့တာပါ။ ဒီလိုဘယ်ဘက်ခြေထောက်တစ်ဖက်တည်း သိမ်နေမှုကိုတော့ ဆရာဝန်တွေက ဖြတ်တောက်ဖို့နဲ့ ခြေထောက်တု အစားထိုးတဲ့ နည်းနှစ်မျိုးကိုသာအကြံပေးခဲ့ကြတာပါ။
ဒီလိုနည်းလမ်းနှစ်မျိုးလုံးကို မပြုလုပ်ချင်တဲ့ မိဘနှစ်ယောက်ကတော့ သူတို့နည်းလမ်းနဲ့ ဖြေရှင်းနိုင်မယ်လို့ ယုံကြည်ထားခဲ့ကြပါတယ်။
သမီးငယ်ရဲ့ အနာဂတ်ဟာ သူတို့ပြုလုပ်မယ့် နည်းကြောင့် ထွန်းလင်းလာလိမ့်မယ်လို့ မိဘနှစ်ယောက်စလုံးက ထင်မြင်တွေးတောခဲ့ကြပါတယ်။
သမီးအယ်လ်စီလေးကတော့ ခြောက်လသားအရွယ်တုန်းကလည်း ခြောက်နာရီကြာမြင့်တဲ့ ဘယ်ဘက်ခြေထောက်ခွဲစိတ်မှုကို ပြုလုပ်ခဲ့ရပြီး ဒူး ၊ ခြေကျင်းဝတ်နဲ့ တင်ပါးဆုံတွေကို အချိုးကျကျဖြစ်လာစေဖို့ ခွဲစိတ်ပုံသွင်းခဲ့ရတာဖြစ်ပါတယ်။ ဘယ်ဘက်ခြေထောက်ဟာ ညာဘက်ထက်လေးလက်မလောက်တိုဝင်နေခဲ့တာကြောင့် မြေကြီးနဲ့ ဘယ်ဘက်ခြေထောက်ကြားက နေရာလွတ်ကိုတော့ ခြေထောက်တုတစ်ခုနဲ့ အစားထိုးခဲ့ရပါတယ်။
 |
| အယ်လ်စီရဲ့ မိသားစု |
ဒါ့ကြောင့် အယ်လ်စီလေးတစ်ယောက်လမ်းလျှောက်နိုင်ခဲ့ပါတယ်။ အယ်လ်စီ အသက် ၃ နှစ်ရောက်ရှိလာခဲ့တဲ့ အချိန်မှာတော့ ဒုတိယအကြိမ် ခွဲစိတ်မှုခံယူခဲ့ရပါတယ်။ ပေါင်နဲ့ ပေါင်ခြမ်းရိုးတွေကို ခွဲစိတ်ခဲ့ရတာဖြစ်ပြီး ဝက်အူလှည့် ၁၀ ခုပါ ထောက်တိုင်နဲ့ အသားတွေ ၊ အရိုးတွေကို ဖောက်ထွက် ထောက်ကန်ခဲ့တာဖြစ်ပါတယ်။ ဒီလိုပြုလုပ်တဲ့အချိန်မှာတော့ အယ်လ်စီရဲ့ အရိုးတွေ ဖွံ့ဖြိုးလာစေဖို့အတွက် ဝက်အူလှည့် ၁၀ ခုကို တစ်နေ့ကို 0.039 လက်မ လှည့်ပေးခဲ့ရပြီး ဒီလို လှည့်ပေးတာက အယ်လ်စီလေးရဲ့ အရိုးတွေနဲ့ ဆက်စပ်နေတာကြောင့် တစ်နေ့ကို သုံးကြိမ်ထိ အရိုးကျိုးခဲ့တယ်လို့ သိရပါတယ်။
ဒါပေမယ့် ဒီလိုပြုလုပ်ရာကနေတစ်ဆင့် အယ်လ်စီရဲ့အရိုးတွေဟာ ဖွံ့ဖြိုးလာခဲ့ပြီး လေးလအတွင်းမှာ လေးလက်မအထိရှည်ထွက်လာတာကြောင့် ညာဘက်ခြေထောက်နဲ့ သူမရဲ့ ဘဝမှာ ပထမဆုံး အရွယ်အစားအတူတူဖြစ်ခဲ့ရပါတယ်။
သူမရဲ့ မိဘဖြစ်သူတွေကတော့ “သမီးလေး နာကျင်လွန်းလို့ ငိုညည်းနေတဲ့လေးလအတွင်းမှာ ကျွန်တော်တို့လည်း စိတ်ထိခိုက်ခဲ့ရတယ်။ သမီးလေးကို အကိုက်အခဲပျောက်စေတဲ့ ဆေးကုသမှုတွေလည်း အများကြီးလုပ်ခဲ့ရတယ်။ သူအခုတော့ အရိုးတွေပုံမှန်ပြန်ဖြစ်လာပြီး သာမန်လူတစ်ယောက်လို နေနိုင်တော့မှာမို့ အရမ်းဝမ်းသာတယ်။ ဒီလိုအောင်မြင်မှုမရခင် အချိန်တွေမှာ ဆုံးဖြတ်ချက်ချရတာ အရမ်းကို ခက်ခဲခဲ့တယ်” လို့ ပြောကြပါတယ်။
အခုတော့ အယ်လ်စီဟာ ခြေထောက်ဖြတ်ရမယ့် အခြေအနေကနေ ဝေးကွာပြီး ကျန်းကျန်းမာမာနဲ့ နေထိုင်နေပြီဖြစ်တယ်လို့ သိရပါတယ်။
( Beauty Syh )
#သစ်ထူးလွင်(ဗဟုသုတနှင့်ထူးဆန်းထွေလာ)
#knowledge.thithtoolwin.com
Ref : Dailymail
0 comments:
Post a Comment