နယူးယောက် Yankee အားကစားကွင်းက ကစားပွဲကိုကြည့်ရင်း စေ့စပ်ခွင့်တောင်းနေတုန်း စေ့စပ်လက်စွပ်ပျောက်သွားတဲ့ အတွဲကတော့ သူတို့တစ်သက် ထူးခြားတဲ့ စေ့စပ်ပုံပြင်ကို ပိုင်ဆိုင်သွားကြမှာပါ။
Yankee ပရိတ်သတ်တစ်ဦးဖြစ်တဲ့ Andrew က သူ့ကောင်မလေး Heather ကို ပြိုင်ပွဲကြည့်ရင်း ဘူးလေးကို ဖွင့်လိုက်တော့ အထဲမှာ လက်စွပ်က ရှိမနေတော့ဘူး။
ပုံမှန်ရိုးရိုးရှင်းရှင်း ဒူးထောက် ဘူးလေးဖွင့် သူ့ကို ခွင့်တောင်းမယ် တွေးထားရာက ဘယ်ပြုတ်ကျသွားမှန်း မသိတော့ တော်တော်လန့်သွားတယ် လို့ Andrew က ပြောပါတယ်။
Andrew တစ်ယောက် ထိပ်ထိပ်ပျာပျာနဲ့ လှည့်ပတ်ရှာနေတော့ အနီးအနားက ပရိတ်သတ်တွေက သူတို့ဖုန်းမီးတွေကို ဖွင့်ပြီး ပျောက်သွားတဲ့လက်စွပ်ကို ကူရှာပေးခဲ့ကြပါတယ်။
ကံကောင်းစွာနဲ့ လက်စွပ်ကိုသူတို့ခြေရင်းနားက ကုတ်အင်္ကျီ ထဲမှာ ပြန်တွေ့ခဲ့ပြီ Heather ကလည်း လက်ခံခဲ့ပါတယ်။
( Michelle )
0 comments:
Post a Comment