Aladino Monte ဆိုသူဟာ စပိန်နိုင်ငံမြောက်ပိုင်းက တောင်တန်းဒေသတွေမှာ နေထိုင်နေတဲ့ သမင်မုဆိုးတစ်ဦးဖြစ်ပါတယ်။ ကလေးဘဝထဲက ဖခင်ရဲ့သင်ကြားပေးမှုကနေ သမင်အမဲလိုက်တဲ့ မုဆိုးတစ်ယောက်ဖြစ်လာခဲ့သူ Aladino Monte ဟာ လွန်ခဲ့တဲ့ဆယ်နှစ်က ကြုံတွေ့ခဲ့ရတဲ့ အဖြစ်အပျက်လေးတစ်ခုကြောင့် သူရဲ့မုဆိုးဘဝကို စွန့်လွှတ်ခဲ့လိုက်ပြီး တိရစ္ဆာန်ချစ်ခင်တစ်ယောက်အဖြစ်ပါ ခံယူလိုက်ပါတယ်။
အသက် ၅၃နှစ်အရွှယ်ရှိ Aladino Monte ဟာ လွန်ခဲ့တဲ့ဆယ်နှစ်ခန့်က သူရဲ့ကိုယ်ပိုင်ဂျစ်ကားငယ်လေးတစ်စီးနဲ့ မောင်းနှင်လာတုန်း ကျွဲနွားစားကျက်မြေမှာ နွားတွေနဘေး လဲလှောင်းနေတဲ့ သမင်လေးတစ်ကောင်ကို တွေ့မြင်သွားခဲ့ပါတယ်။ တကယ်တော့ သမင်တွေဟာ ဒီလိုပုံစံမျိုးနဲ့ တွေ့မြင်ရလေ့မရှိတတ်တာဖြစ်လို့ Aladino ဟာ သံသယဖြစ်လာတာကြောင့် သွားရောက်ကြည့်ရှုဖို့ ဆုံးဖြတ်လိုက်ပါတယ်။ Aladino သွားရောက်စစ်ဆေးကြည့်လိုက်တဲ့အခါမှာတော့ ထိုသမင်ငယ်လေးဟာ ဒဏ်ရာဗရပွနဲ့ သေအံ့ဆဲဆဲဖြစ်နေတာကို တွေ့မြင်ခဲ့လိုက်ရပါတယ်။
ဒီအချိန်မှာ ဘဝတလျှောက်လုံး သမင်တွေကို ပစ်ခတ်လာတဲ့ Aladino ဟာ သမင်ငယ်လေးကိုကြည့်ပြီး သနားစိတ်ဝင်လာတာကြောင့် သူ့ကားပေါ်ကို တင်ဆောင်သွားပြီး အိမ်ကိုခေါ်ယူသွားပါတယ်။ အိမ်ရောက်တော့ ဆေးကုသမှုတွေ သေချာလုပ်ပေးခဲ့တာကြောင့် အကောင်းပကတိအတိုင်း ပြန်ဖြစ်သွားခဲ့ရပါတယ်။ သမင်ငယ်လေးကလည်း သူရဲ့ဒဏ်ရာကနေ ပြန်ကောင်းသွားခဲ့ပေမယ့် သူနေထိုင်ရာအရပ်ဆီကို ပြန်မသွားတော့ပဲ သူ့ကိုကယ်တင်ပေးခဲ့တဲ့ Aladino ရဲ့ဘေးမှာသာ နေထိုင်သွားပါတော့တယ်။
ဒီနောက်ပိုင်းမှာတော့ Aladino နဲ့ Bambi လို့နာမည်ပေးထားတဲ့ သမင်မလေးတို့ရဲ့ ထူးခြားတဲ့ သံယောဇဉ်ဟာ ပိုမိုကြီးမားလာခဲ့ပါတယ်။ Bambi ကို ချစ်မြတ်နိုးစိတ်ဝင်လာတဲ့ မုဆိုးကြီး Aladino ကလည်း ယခင်လို အမဲလိုက်ရတဲ့ အလုပ်အပေါ် စိတ်ပျက်လာခဲ့တာကြောင့် မုဆိုးအလုပ်ကိုပါ စွန့်လွှတ်ခဲ့လိုက်ပါတယ်။
#knowledge.thithtoolwin.com
Ref
0 comments:
Post a Comment