တောင် အာဖရိက နိုင်ငံမှာရှိတဲ့ ဆောက်လုပ်ရေးစီမံကိန်း တစ်ခုရဲ့ ယာယီ တံတား တစ်စင်းဟာ တောင်အာဖရိက ရဲ့ လူသွားလူလာ အများဆုံး လမ်းမပေါ် ပျက်စီး ပြုတ်ကျသွားခဲ့ပြီး လူ ၂ ယောက်ကို သေဆုံးစေခဲ့ကာ ၂၁ ယောက်ကို ဒဏ်ရာ ရစေခဲ့တယ်လို့ တောင်အာဖရိက မီဒီယာတွေက ဖော်ပြထားပါတယ်။
တောင်အာဖရိက နိုင်ငံ Johannesburg မြို့ရဲ့ Sandton မြို့နယ်မှာ ရှိတဲ့ M1 အဝေးပြေးလမ်းမပေါ်မှာ ဖြစ်ပျက်ခဲ့တဲ့ ထို မတော်တဆမှုကြောင့် သေဆုံးခဲ့သူ ၂ ဦးထဲမှာ ၁ ဦးဟာ တက္ကစီ မောင်းနှင်သူ တစ်ဦးဖြစ်နေတယ်လို့လည်း eNCA ဆိုတဲ့ သတင်းဌာန တစ်ခုက ဖော်ပြထားပါသေးတယ်။
အရေးပေါ်ကယ်ဆယ်ရေး အဖွဲ့တွေကတော့ ထိုပြုတ်ကျပျက်စီးမှုရဲ့ အောက်မှု လူ အချို့ ပိတ်မိနေသေးတယ်လို့ ယုံကြည်နေကြပြီး အခုထိ ကယ်ဆယ်ရေး လုပ်ငန်းတွေ ဆောင်ရွက်နေရဆဲပဲဖြစ်ပါတယ်။ ထို သတင်းဌာနက ဖော်ပြထားတာကတော့ ထို ယာယီတံတားဟာ လူကူးမျဉ်းကြား အဖြစ်ရော ၊ စက်ဘီးစီးနင်းတဲ့ လမ်းကြောင်းအဖြစ်ပါ အဝေးပြေးလမ်းမ အပေါ်ကနေ ဖြတ်သန်းအသုံးပြုနေတာဖြစ်တယ်လို့ ဆောက်လုပ်ရေးကုမ္မဏီက ဆိုထားတာကိုပါ။
ထို ဆောက်လုပ်ရေး စီမံကိန်းဟာလည်း Sandton မြို့နယ်နဲ့ Alexandra မြို့နယ်ရဲ့ ဆင်းရဲတဲ့ လူနေရပ်ကွက်တို့ကို ချိတ်ဆက်ဖို့အတွက် ဆောင်ရွက်နေတာ ဖြစ်တယ်လို့လည်း သိရပါတယ်။ ထို အဖြစ်အပျက်ကို ဖော်ပြထားတဲ့ ဓါတ်ပုံတွေထဲမှာတော့ အနည်းဆုံး မော်တော်ယာဉ် ၂ စီးခန့်ဟာ ပျက်စီးသွားတဲ့ ယာယီတံတားပိမိပြီး လုံးဝပျက်စီးသွားတာကိုတွေ့ရသလို ထို အဖြစ်အပျက်ဟာ နေ့လည် အချိန်မှာ ဖြစ်ပွားခဲ့တာကြောင့် လမ်းပိတ်ခဲ့ရပြီး ယာဉ်ကြောပိတ်ဆို့မှု တွေလည်း ဆက်တိုက်ဖြစ်ပေါ်ခဲ့တယ်လို့ သတင်းတွေကဖော်ပြထားပါတယ်။
( Mario )
#သစ်ထူးလွင်(ဗဟုသုတနှင့်ထူးဆန်းထွေလာ)
#knowledge.thithtoolwin.com
Ref : Metro
0 comments:
Post a Comment