လူတစ်ယောက်ဟာ သတင်းဓာတ်ပုံသမားရဲ့ ကင်မရာ သုံးချောင်းထောက်ကို သေနတ်နဲ့မှားပြီး Pennsylvania ဗဟိုရဲတပ်ဖွဲ့ရုံးကို ဖုန်းခေါ်ဆိုခဲ့ပါတယ်။
ဒီအဖြစ်အပျက်ဟာ နိုဝင်ဘာလ ၁၈ရက်နေ့ နံနက် ၁၁နာရီအချိန် Lancaster မြို့မှာရှိတဲ့ အဆောက်အဦးတစ်ခုမှာ ဖြစ်ပွားခဲ့တာ ဖြစ်တယ်လို့ သတင်းရရှိပါတယ်။ အဆောက်အဦးထဲကိုတော့ဖြင့် စက်သေနတ်ကြီးသယ်လာတယ်ဆိုပြီး ရဲစခန်းကိုဖုန်းခေါ်တဲ့သူက ထင်သွားခဲ့တာပါ။
အဲ့ဒီ့နောက်တော့ ရဲတပ်ဖွဲ့ဟာရောက်လာခဲ့ပြီး အဆောက်အဦးတစ်ခုလုံးကို တစ်ထပ်ချင်း ပိုက်စိပ်တိုက်ရှာပါတော့တယ်။ ရဲတွေနောက်ဆုံး ရှာဖွေတွေ့ရှိခဲ့တာကတော့ သတင်းဓာတ်ပုံဆရာမ တစ်ဦးနဲ့ သူ့ရဲ့ ကင်မရာသုံးချောင်းထောက်ပါပဲ။
ရဲစခန်းကို ဖုန်းဆက်တဲ့သူဟာ မှန်ကန်တဲ့လုပ်ရပ်ကိုလုပ်ခဲ့တာဖြစ်ကြောင်း၊ ဒီလိုခေါ်ဆိုမှုမျိုးကို အရေးတယူဆောင်ရွက်မှာဖြစ်ကြောင်းနဲ့ တစ်ယောက်ယောက်မှာ တကယ့်တကယ်သေနတ်ရှိနေပြီး ဘယ်သူမှဖုန်းမဆက်တာမျိုးထက်တော့ ပိုကောင်းကြောင်း Lancaster ရဲတပ်ဖွဲ့မှ အရာခံဗိုလ် Todd Umstead ကပြောကြားခဲ့ပါတယ်။
( Skyler )
#သစ်ထူးလွင်(ဗဟုသုတနှင့်ထူးဆန်းထွေလာ)
#knowledge.thithtoolwin.com
Ref: AP
0 comments:
Post a Comment