ပါရီ အကြမ်းဖက် တိုက်ခိုက်မှု ကို ဦးဆောင် ကြိုးကိုင်ခဲ့သူ အဖြစ် ယုံကြည်ထားခဲ့သူဟာ ISIS မဂ္ဂဇင်းဖြစ်တဲ့ Allah ကို ပြောပြခဲ့တာကတော့ သူအခုလို ကြိုးကိုင်သူ တစ်ယောက် အဖြစ် အရွေးချယ်ခံရခြင်းဟာ "မွတ်စလင်တွေအတွက် စစ်ပွဲတွေကို သယ်ဆောင်လာတဲ့ Crusader တွေကို အကြမ်းဖက် ဖို့အတွက်" လို့ ပြောပြခဲ့ပါတယ်။
အသက် ၂၇ နှစ်အရွယ် Abdelhami Abaaoud ဟာ ပြင်သစ်နိုင်ငံရဲ့ မြို့တော် ပါရီမှာရှိတဲ့ ဘောလုံးကွင်းတစ်ကွင်း ၊ ဖျော်ဖြေရေး ခန်းမ တစ်ခု နဲ့ စားသောက်ဆိုင်ပေါင်း များစွာ တို့ကို အသေခံ ဗုံးခွဲတိုက်ခိုက်မှု နဲ့ သေနတ်နဲ့ အကြမ်းဖက် ပစ်ခတ်မှုတို့ကို နောက်ကွယ်က ကြိုးကိုင် ခဲ့သူ ဖြစ်တယ်လို့ သတ်မှတ်ခံထားရသူပါ.
သူဟာ ဥရောပ တိုက်အတွင်းက အခြားနိုင်ငံတွေကိုလည်း တိုက်ခိုက်သွားဖို့ အစီအစဉ်ဆွဲထားပြီး ဖြစ်တယ်လို့ သံသယ ရှိခံနေရပါတယ်။ Abaaaoud ဟာ ဥရောပ ရဲ့ ဂျီဟတ်ဒီ မြို့ လို့တင်စားခေါ်ဝေါ်ခံရတဲ့ ဘယ်လ်ဂျီယံ နိုင်ငံ ၊ Brussels မြို့ ၊ Molenbeek ခရိုင်မှာနေထိုင်ကြီးပြင်းခဲ့သူဖြစ်ပါတယ်။ လက်ရှိမှာတော့ သူဟာ ဆီးရီးယား နိုင်ငံအတွင်း မှာနေထိုင်နေတယ်လို့ သိရပါတယ်။
သြဂုတ်လ တုန်းကလည်း ပြင်သစ်ပြည်တွင်းအမြန်ရထားကို တိုက်ခိုက်ခဲ့မှု နဲ့ ဇန်န၀ါရီလတုန်းက ဘယ်လ်ဂျီယံ ရဲအရာရှိတွေကို တိုက်ခိုက်ခဲ့မှု တွေမှာလည်း Abaaoud က ပါဝင်ပတ်သတ်နေတယ်လို့ သံသယရှိခံရသူပဲ ဖြစ်ပါတယ်။
"သူဟာ ဥရောပ တိုက်အတွင်း ဖြစ်ပွားခဲ့တဲ့ အကြမ်းဖက် တိုက်ခိုက်မှု တွေကို နောက်ကွယ်က ကြိုးကိုင်နေသူတစ်ယောက်ဖြစ်တယ်" လို့ Reuters သတင်းဌာနကို သတင်းအရင်းအမြစ်တစ်ဦးက ပြောပြခဲ့ပါတယ်။ သောကြာင်္နေ့က ဖြစ်ပွားခဲ့တဲ့ လူအယောက် ၁၂၉ ယောက် စတေးခဲ့ရတဲ့ ပါရီအကြမ်းဖက်တိုက်ခိုက်မှုကိုလည်း သူပဲ ဦးဆောင်ခဲ့တာ ဖြစ်တယ်လို့ သိရပါတယ်။
Abaaoud ဟာ ၂၀၁၃ ခုနှစ်မှာ ဆီးရီးယားကို သူ့အစ်ကို ဖြစ်သူ Younes နဲ့အတူ ရောက်ရှိလာခဲ့ပြီး ထိုစဉ်က သူဟာ ၁၃ နှစ်သာ ရှိပါသေးတယ်။ ဘယ်လ်ဂျီယံ သတင်းဌာနက ဖော်ပြခဲ့တာကတော့ သူတို့ ညီအစ်ကို ဟာ လွန်ခဲ့တဲ့ နှစ် ၄၀ တုန်းက မော်ရိုကို နိုင်ငံကနေ ဘယ်လ်ဂျီယံ နိုင်ငံအတွင်း ပြောင်းရွှေ့လာတဲ့ Omar ဆိုသူ ဆိုင်ပိုင်ရှင်တစ်ယောက်ရဲ့ သားတွေပဲ ဖြစ်ပါတယ်တဲ့။
( Mario )
#သစ်ထူးလွင်(ဗဟုသုတနှင့်ထူးဆန်းထွေလာ)
#knowledge.thithtoolwin.com
Ref : Mirror
0 comments:
Post a Comment