နယူးယော့ခ် မြို့မှာနေထိုင်တဲ့ စီးပွားရေးသမားတစ်ဦးဟာ တစ်ပတ်ကို ဒေါ်လာ ၁၀၀၀ ၀င်ငွေရလာအောင် ရိုးရှင်းသော နည်းလမ်းနဲ့ ၀န်ဆောင်မှု ပေးပြီး အသက်မွေးဝမ်းကြောင်းပြုတယ်လို့ ဆိုလာပါတယ်။ သူရဲ့ဝန်ဆောင်မှုကတော့ အခကြေးငွေရယူပြီး တန်းစီတာပဲဖြစ်ပါတယ်။
သူဟာ တစ်ယောက်တည်း အလုပ်လုပ် သူတစ်ယောက်တော့မဟုတ်ပါဘူး။ Same Ole Line Dudes ဆိုတဲ့ စီးပွားရေးလုပ်ငန်းကို တည်ထောင်ထားတဲ့ Robert Samuel ဟာ သူနဲ့သူ့အဖွဲ့သားတွေနဲ့ အတူတစ်ပတ်ကို ဒေါ်လာ ၁၀၀၀ ၀င်ငွေရအောင် ကုန်ပစ္စည်း အသစ် ထုတ်လုပ်ခြင်း ၊ နမူနာ ရောင်းချခြင်း ၊ စနေနေ့ည ရှိုးပွဲတွေနဲ့ အခြား လူများတဲ့ အခမ်းအနားတွေရဲ့ တန်းစီရတဲ့နေရာတွေမှာ သူနဲ့ သူ့လူတွေက နေရာယူပြီး ထိုနေရာ တွေကို ပြန်လည်ရောင်းချတာပဲ ဖြစ်ပါတယ်။
Samuel ရဲ့ ပြောကြားချက်အရတော့ သူနဲ့သူ့အဖွဲ့သားတွေဟာ ပရော်ဖက်ရှင်နယ် စောင့်စားသူတွေဖြစ်ကြပြီး ပထမဆုံး တန်းစီပေးရတဲ့ ၁ နာရီအတွက် ဒေါ်လာ ၂၅ ဒေါ်လာ ကျသင့်သလို နောက်ပိုင်းထပ်မံတန်းစီပေးရတဲ့ကြာချိန်အတွက် နာရီဝက်တိုင်းကို ၁၀ ဒေါ်လာ အခကြေး ငွေရယူတယ်လို့ သိရပါတယ်။
Salon သတင်းဌာနကို Samuel က ပြောပြခဲ့တာကတော့ လက်ရှိမှာ သူဟာ Apple စတိုးဆိုင်ရှေ့မှာ ၂၄ နာရီ တန်းစီပြီး iPhone 6s ၀ယ်ယူမယ့် သူတွေအတွက် ၀န်ဆောင်မှု ပေးခြင်းနဲ့ ဒေါ်လာ ၁၀၀၀ ၀င်ငွေ ရရှိခဲ့တယ်လို့လည်း သိရပါတယ်။သူ့ရဲ့ စီးပွားရေးကိုလည်း Samuel က Uber နဲ့တူတယ့် တန်းစီခြင်း လုပ်ငန်း လို့ အမွှန်းတင်ထားပြီး သူရဲ့ တန်းစီတဲ့ လျှို့ဝှက်ချက်တွေကိုလည်း ထုတ်ဖော်ပြောပြခဲ့ပါတယ်။
"လိုင်း ၂ လိုင်းတန်းစီတဲ့အခါမှာ သင်ဟာ ဘယ်ဘက်ကိုသာအားသန်နေမှာပါ။ ဒါပေမယ့် ကျွန်တော်တို့အားလုံးရဲ့ အဓိက အရာက ညာသန်တွေဖြစ်ကြတဲ့အတွက် ညာဘက်လိုင်းဟာ အရှည်ဆုံးလိုင်းဖြစ်ကောင်းဖြစ်နေမှာပါ။ ဒါပေမယ့် သဘာဝ အရတော့ ကျွန်တော်တို့ ညာဘက်လိုင်းမှာပဲ တန်းစီမှာပါ" လို့ Samuel က ထုတ်ဖော်ပြောကြားခဲ့ပါတယ်။
( Mocha )
#သစ်ထူးလွင်(ဗဟုသုတနှင့်ထူးဆန်းထွေလာ)
#knowledge.thithtoolwin.com
Ref : Upi
0 comments:
Post a Comment