နယူးယောက်မြို့ Queens တိရိစ္ဆာန်ရုံမှာ ကမ္ဘာ့အသေးငယ်ဆုံး သမင်မျိုးနွယ်ဝင် တောင်ပိုင်း Pudu သမင်လေးတစ်ကောင် မွေးဖွားခဲ့ပြီး လာရောက်ကြည့်ရှုသူ အများအပြားရှိခဲ့တယ်လို့ ဆိုပါတယ်။
တိရိစ္ဆာန်ရုံကို ထိန်းသိမ်းကြည့်ရှုနေသော တောရိုင်းတိရိစ္ဆာန်ထိန်းသိမ်းစောင့်ရှောက်ရေး အဖွဲ့အစည်းက Pudu သမင်အထီးလေးတစ်ကောင်ကို မေလ ၁၂ ရက်နေ့က မွေးဖွားခဲ့ကြောင်း တနင်္လာနေ့က ထုတ်ဖော်ကြေညာခဲ့ပါတယ်။
ဒီသမင်ပေါက်ကလေးဟာ ခုချိန်ထိ အထူးပြုစုစောင့်ရှောက်မှုတွေ ခံနေရဆဲဖြစ်ပြီး မကြာခင်မှာတော့ ဂေါ်ဖီထုပ်၊ ပြောင်းစေ့၊ မုန်လာဥနှင့် ကောက်ရိုးခြောက်တွေကို စတင်စားသောက်နိုင်တော့မှာဖြစ်တယ်လို့ အဖွဲ့က ဆိုပါတယ်။
Pudu သမင်မျိုးနွယ်ဟာ ၁၄ လက်မအထိ ကြီးထွားနိုင်ပါတယ်။ သူတို့ဟာ အရှက်အကြောက်ကြီးပြီး ကြောက်လန့်တဲ့အခါမှာတော့ စူးစူးရှရှအော်လေ့ ရှိပါသတဲ့။ သားရဲတွေကို အာရုံရှုပ်ထွေးသွားစေဖို့အတွက် မြွေလိမ်မြွေကောက်ပုံစံနဲ့လည်း ပြေးလွှားနိုင်ပါသေးတယ်။ တောင်ပိုင်း Pudu သမင်တွေဟာ ချီလီ နဲ့ အာဂျင်တီးနားနိုင်ငံတွေမှာ စတင်ပေါက်ဖွားကြောင်း သိရှိရပါတယ်။
ဒီ Pudu သမင်ပေါက်ကလေးဟာ လွန်ခဲ့တဲ့သုံးနှစ်အတွင်း Queens တိရိစ္ဆာန်ရုံမှာမွေးဖွားတဲ့ တတိယမြောက် မျိုးဆက်ကလေး ဖြစ်ပါသတဲ့။
( Mocha )
#သစ်ထူးလွင်(ဗဟုသုတနှင့်ထူးဆန်းထွေလာ)
#knowledge.thithtoolwin.com
Ref : UPI
0 comments:
Post a Comment