Powered by Blogger.

တရုတ်နိုင်ငံမှာ ခေတ်စားနေတဲ့ “ထီးမိုးကာ”



ထီးဆောင်းလိုက် ၊ မိုးကာဝတ်လိုက်ဆိုရင် နှစ်ခါပင်ပန်းပါလိမ့်မယ်။ တရုတ်နိုင်ငံက ဒီမိုးကာကတော့ ထီးလိုလည်း လူကို အကာအကွယ်ပေးနိုင်မှာဖြစ်တာကြောင့် “ထီးမိုးကာ” လို့ လူတွေကခေါ်ဆိုနေကြပါတယ်။ တရုတ်နိုင်ငံက ဒီဇိုင်နာတွေကတော့ ခေတ်ပြောင်းခေတ်လွဲဖြစ်လာနိုင်တဲ့ ဒီမိုးကာကို အခုလိုပဲ ဒီဇိုင်းဆွဲထုတ်လုပ်လိုက်တာဖြစ်ပြီး သူတို့ရဲ့ တီထွင်မှုက  အောင်မြင်လာနိုင်မယ်လို့ ယုံကြည်နေကြပါတယ်။


ဒီမိုးကာကိုတော့ တရုတ်နိုင်ငံက Aleixpress ဝက်ဘ်ဆိုက်မှာ စတင်ရောင်းချနေပါပြီ။ “ဒီမိုးကာကို ဝတ်လိုက်တဲ့အခါ ခန္ဒာကိုယ်အထက်ပိုင်းတစ်ခုလုံးကို ထီးတစ်ချောင်းဆောင်းထားသလို ယုံကြည်မှုရှိနေစေမှာပါ။” လို့ ရေးသားထားပါတယ်။ ဒီမိုးကာကတော့ အောက်အထိအရှည်မဟုတ်ဘဲ ရင်ဘတ်နားက ထီးနားမှာတင် အဆုံးသတ်သွားပါတယ်။ အောက်ကို မိုးတကယ်ရွာတဲ့အခါ မလုံနိုင်တာကြောင့် အောက်အထိ နည်းနည်းကာပေးရင်ကောင်းမယ်လို့ စိတ်ဝင်စားသူတွေက အကြံပေးနေကြပါတယ်။


ကုမ္ပဏီကတော့ ဒီမိုးကာရဲ့ အကျယ်ဟာ မိုးဒဏ်ကိုတော့ အေးဆေးခံနိုင်တယ်လို့ ဆိုပါတယ်။ ထီးကိုင်ထားသလို လက်ကလည်း ကိုင်စရာမလိုဘဲ ခေါင်းကနေစွပ်ချလိုက်တာနဲ့ မိုးကာရော ထီးပါ ဝတ်ဆင်ထားသလို ဖြစ်တာကတော့ အားသာချက်ပါ။ နောက်ထပ်တစ်ခုကတော့ ဒီမိုးကာဟာ အလွယ်တကူခေါက်နိုင်ပြီး ပေါ့ပေါ့ပါးပါးနဲ့ အလုပ်မရှုပ်ဘဲ သယ်ယူသွားနိုင်တာပါ။

ဒီိထီးမိုးကာကတော့ လောလောဆယ် လူစိတ်ဝင်စားမှုများပြားနေပြီး မိုးရာသီတွင်းမှာ ဝတ်သွားမယ်ဆိုရင်တော့ နည်းနည်းတော့ ကြောင်တောင်တောင်နိုင်သလို ခံစားရပေမယ့်လည်း သူ့ရဲ့ အားသာချက်တွေကြောင့် လူတိုင်း သုံးလာကြမယ်လို့ ထုတ်လုပ်သူတွေက မျှော်လင့်နေပါတယ်။


Mocha

#knowledge.thithtoolwin.com

Ref : Oddity





Share on Google Plus

About Staff Writer

သစ်ထူးလွင် ဗဟုသုတဆိုဒ်သည် မြန်မာနှင့် ကမ္ဘာအရပ်ရပ် စိတ်ဝင်စားဖွယ်ရာ သတင်းများ၊ အဖြစ်အပျက်များနှင့် မှတ်သားဖွယ်ရာ၊ ဗဟုသုတရဖွယ်ရာ သတင်းများကို အချိန်နှင့် တပြေးညီ ဖေါ်ပြပေးသည့် ဆိုဒ်တစ်ခုဖြစ်သည်။ ကဏ္ဍတွင် စိတ်ပါဝင်စားသဖြင့် ဆောင်းပါးရေးသားချင်သူများ ဆက်သွယ်နိုင်ပါတယ်
    Blogger Comment
    Facebook Comment

0 comments:

Post a comment