Cristo Redentor ခရစ်တော် ရုပ်ထုကြီးဟာ ကမ္ဘာ့အလှဆုံးစာရင်းဝင် မြို့တစ်မြို့ ဖြစ်တဲ့ ဘရာဇီးနိ်ုင်ငံ ရဲ့ ဒုတိယအကြီးဆုံးမြို့ဖြစ်တဲ့ “ ရီယိုဒီဂျာနီရို ” (Rio De Janeiro ) မြို့မှာတည်ရှိပါတယ်။ ထိုမြို့ဟာ ၂၀၁၆ ခုနှစ်မှာ ကမ္ဘာ့အိုလံပစ်ကျင်းပမယ့် မြို့တစ်မြို့ဖြစ်ပြီး ကမ္ဘာ့အလှဆုံး ပင်လယ်ကမ်းခြေမြို့တစ်မြို့လည်း ဖြစ်ပါတယ်။
ခရစ်တော်ရဲ့ ရပ်တော်မူ ရုပ်ထုကြီးဟာ ၂၀၀၇ ခုနှစ်၊ ဇူလိုင်လ၊ ၇ ရက်နေ့ က ပေါ်တူဂီ နိုင်ငံ၊ လစ်စဘွန်းမြို့မှာ ကြေညာခဲ့တဲ့ ခေတ်သစ် ကမ္ဘာ့ အံ့ဖွယ် ခုနစ်သွယ်ထဲမှာ တစ်ခုအပါအဝင်ဖြစ်ခဲ့ပြီး ကမ္ဘာ့နိုင်ငံအသီးသီးမှ ခရစ်ယာန်ဘာသာဝင်တို့ လာရောက်လည်ပတ် ၀တ်ပြုရာ နေရာတစ်ခုလည်း ဖြစ်ပါတယ်။
Cristo Redentor ( The Christ Redeemer )လို့ခေါ်တဲ့ ခရစ်တော်ရုပ်ထုကြီးရဲ့ အမြင့်မှာ အောက်ခံခုံအပါအ၀င် ၁၂၄ ပေ ( ၃၈မီတာ) ရှည်လျားကာ အလေးချိန်အနေနဲ့ ၆၃၅ မက်ထရစ်တန်လေးပြီး Corcovado တောင်ကုန်းတွင်တည်ရှိပါတယ်။ ဆန့်တန်းထားသော လက်အရှည်မှာမူ ၉၂ပေ (၂၈ မီတာ) ရှည်လျားပါတယ်။
ထို ရုပ်ထုကြီးကို ဘရာဇီး အင်ဂျင်နီယာ Heitor da Silva Costa က ဒီဇိုင်းရေးဆွဲ၍ ပြင်သစ်ပန်းပုဆရာ Paul Landowski တို့မှ (၅)နှစ်ကြာတည်ဆောက်ခဲ့ပြီး ၁၉၃၁ခုနှစ် အောက်တိုဘာလ ၁၂ရက်တွင် ဖွင့်လှစ်ခဲ့တာ ဖြစ်ပါတယ်။
( NSD )
#သစ်ထူးလွင်(ဗဟုသုတနှင့်ထူးဆန်းထွေလာ)
#knowledge.thithtoolwin.com
Ref : Wiki
0 comments:
Post a Comment