မက္ကဆီကို လူမှောင်ခိုသမားတွေလက်ထဲကို အသက် ၁၂နှစ်အရွယ်မှာ တရားမဝင်ရောက်သွားပြီးတဲ့နောက် အဲ့ဒီ့ကောင်မလေးဟာ ၄နှစ်တာအချိန်အတွင်း အကြိမ်ပေါင်း ခန့်မှန်းခြေ ၄၃၂၀၀ မုဒိန်းအကျင့်ခံခဲ့ရတယ်လို့ သတင်းရရှိပါတယ်။
အခုလို ထိတ်လန့်ဖွယ် လူကုန်ကူးမှုတွေကို သတိထားလာကြစေဖို့ မျှော်လင့်တဲ့အနေနဲ့ Karla Jacinto ဟာ သူ့ရဲ့ ကြေကွဲဖွယ်ဇာတ်လမ်းကို ဝေငှခဲ့ပါတယ်။ လူမှောင်ခိုကူးမှုတွေက ကမ္ဘာ့အနှံ့က မရေမတွက်နိုင်တဲ့ မိန်းကလေးတွေရဲ့ ဘဝကို ဖျက်စီးနေတာပါ။
Jacinto ဟာ သူ့မိခင်ရဲ့ လျစ်လျူရှုမှုကို အမြဲခံခဲ့ရပြီး ငယ်စဉ်ကတည်းက အလွဲသုံးစားလုပ်မှုကို ခံခဲ့ရတယ်လို့ သူကပြောပါတယ်။
‘သမီးက ပုံမှန်မဟုတ်တဲ့ မိသားစုကနေလာတာပါ။ အသက် ၅နှစ်ကတည်းက အမျိုးတစ်ယောက်ရဲ့ လိင်ပိုင်းအလွဲသုံးစားလုပ်မှုကို ခံခဲ့ရတယ်။” လို့ သူက CNN ကိုပြောပြခဲ့ပါတယ်။
သူ အသက် ၁၂နှစ်တုန်းက မြေအောက်ဘူတာရုံမှာ သူငယ်ချင်းတွေကိုစောင့်နေတုန်း လိင်ကုန်ကူးသမားတစ်ဦးကနေ သူ့ကိုပစ်မှတ်ထားခဲ့ပြီး စကားလုံးလှလှတွေသုံးကာ အရမ်းမြန်တဲ့ကားတစ်စီးနဲ့ ခေါ်သွားတာကို ခံခဲ့ရတယ်လို့ ဆိုပါတယ်။ အဲ့ဒီ့လူကြီးက အသုံးပြုပြီးသား ကား အရောင်းသမား တစ်ဦးဖြစ်ပြီး သူငယ်ငယ်တုန်းကလည်း အလွဲသုံးစားလုပ်ခံခဲ့ရတယ်လို့ ဆိုပါတယ်။ လူကြီးက အရမ်းကြင်နာဖို့ကောင်းပြီး ဖုန်းနံပါတ်တွေ အပြန်အလှန်ပေးခဲ့မိကြတယ်လို့ သူက ပြောပါတယ်။
“သူ သမီးကိုစခေါ်သွားတုန်းက သူ့အသက်က ၂၂နှစ်ပဲ။ သူနဲ့ သမီး ၃လလောက်နေတဲ့အချိန်အတွင်းမှာ ကောင်းကောင်းမွန်မွန်ဆက်ဆံပါတယ်။ သူ သမီးကိုချစ်ခဲ့တယ်။ အဝတ်တွေ၊ ဖိနပ်တွေ၊ ပန်းတွေ၊ ချောကလက်တွေ ဝယ်ပေးခဲ့၊ ဂရုစိုက်ခဲ့ပြီး အရာရာက လှပခဲ့တယ်။” လို့ သူက ပြောပါတယ်။
နောက်တော့ သူ့ကို ပြည့်တန်ဆာအဖြစ် ခိုင်းစေခဲ့ပြီး တစ်နေ့ကို ဖောက်သည် အယောက် ၃၀နှုန်းနဲ့ ရက်ပျက်မရှိဘူးလို့ သိရပါတယ်။ သူဟာ အရိုက်နှက်ခံ၊ အထိုးခံ၊ ဆံပင်ဆွဲခံခဲ့ရပါတယ်။ မီးပူနဲ့တောင် အကပ်ခံခဲ့ရတယ်လို့ ဆိုပါတယ်။
၂၀၀၈ခုနှစ် မက္ကဆီကိုမြို့ လူကုန်ကူးမှုတိုက်ဖျက် စစ်ဆင်ရေးမှာ သူဟာ ကယ်ဆယ်ခံခဲ့ရပြီး အဲ့တုန်းက သူဟာ အသက် ၁၆နှစ်ပါ။ အခု အသက် ၂၃နှစ်အရွယ်မှာတော့ အများပြည်သူ ပွဲတွေ၊ အစည်းအဝေးတွေမှာ သူ့ရဲ့ ရှင်သန်လွတ်မြောက်လာတဲ့ အကြောင်းတွေကို ဝေငှလျက်ရှိပြီး လူကုန်ကူးမှုကို တိုက်ဖျက်နေတယ်လို့ သိရပါတယ်။
( Skyler )
#သစ်ထူးလွင်(ဗဟုသုတနှင့်ထူးဆန်းထွေလာ)
#knowledge.thithtoolwin.com
Ref: Daily Mail
0 comments:
Post a Comment