Powered by Blogger.

မြွေဆိပ်ဖြေ ကာကွယ်ဆေး ဖော်ထုတ်နိုင်ဖို့ အကြိမ် ၁၆၀ အထိ မြွေအကိုက်ခံခဲ့တဲ့ အမျိုးသား



ဒီအမျိုးသားကတော့ အဆိပ်ပြင်းတဲ့ မြွေတွေ အကြိမ် ၁၆၀ ကျော်လောက် ကိုက်တာကို ကိုယ်တိုင်ခံယူခဲ့ပါတယ်။

အမေရိကန် ပြည်ထောင်စု ၊ Wisconsin ပြည်နယ် ၊ Fond du Lac မြို့ မှာနေထိုင်တဲ့ အပျော်တမ်း သိပ္ပံပညာရှင် Tim Friede ဟာ အခုလို မြွေတွေကိုက်တာကို တောက်လျှောက်ခံလာခဲ့တာဟာ သူ့ကိုယ်သူ ခုခံအား ကောင်းမွန်လာစေဖို့ပါ လို့ အခိုင်အမာ ဆိုခဲ့ပြန်ပါတယ်။

အသက် ၃၇ နှစ်ရှိနေပြီဖြစ်တဲ့ Tim Friede ဟာ ကမ္ဘာ့ အဆိပ်အပြင်းဆုံးမြွေတွေဖြစ်တဲ့ black mamba နဲ့ taipan မြွေတစ်ကောင်စီ ကိုက်တာ ကို လောလောလတ်လတ် ခံပြခဲ့သူလည်း ဖြစ်ပါတယ်။ သူဟာ အခုလို မြွေကိုက်တာကို ကြည်ကြည်ဖြူဖြူ ခံယူခဲ့တာဟာ ၁၆ နှစ်ကျော်ရှိနေခဲ့ပါပြီ။သူ့ရဲ့ မျှော်လင့်ချက်ကတော့ သူ့လုပ်ရပ်တွေဟာ အဆိပ်ပြင်းတဲ့ မြွေတွေ ကိုက်တာကို အဆိပ်ဖြေပေးနိုင်တဲ့ ကာကွယ်ဆေးတစ်မျိုး ထုတ်လုပ်နိုင်ဖို့လည်းပါဝင်တယ်လို့ ဆိုပါတယ်။

Tim ဟာ အခုလို မြွေကိုက်ပြီးသေဆုံးခြင်းတွေက ကာကွယ်နိုင်ဖို့ ကြိုးစားနေရင်းနဲ့ပဲ သူကိုယ်တိုင် သေမလို ခဏခဏ ဖြစ်ခဲ့ရပါတယ်။ ဒါကြောင့်လည်း ပြီးခဲ့တဲ့ အောက်တိုဘာလမှာ သူ့ရဲ့  ဇနီးဟာ သူ့ကို ကွာရှင်းခဲ့ပါတယ်။

ဒါပေမယ့်လည်း သူ့ ရဲ့  ရှာဖွေဖော်ထုတ်မှုဟာ တစ်ဖြည်းဖြည်း နီးစပ်လာပါပြီ။ ကယ်လီဖိုးနီးယား တက္ကသိုလ်က အဏုဇီဝ ပညာရှင် ဒေါက်တာ Brian Hanley ရဲ့  ပြောကြားချက်အရတော့ Tim ဟာ လက်ရှိမှာ ပဋိပစ္စည်းတွေထက် ၂ ဆ သန်မာနေပြီဆိုတာကို စမ်းသပ်သိရှိခဲ့ပါတယ်။ ဒါဟာလည်း Tim ဖော်ထုတ်နေတဲ့ မြွေဆိပ်ဖြေ ကာကွယ်ဆေး တစ်မျိုးဟာ ထွက်ပေါ်လာဖို့ နီးစပ်နေပြီဆိုတဲ့ အဓိပ္ပာယ်မျိုးပဲဖြစ်ပါတယ်။

( Mario )

#သစ်ထူးလွင်(ဗဟုသုတနှင့်ထူးဆန်းထွေလာ)
#knowledge.thithtoolwin.com

Ref : Metro

Share on Google Plus

About Staff Writer

သစ်ထူးလွင် ဗဟုသုတဆိုဒ်သည် မြန်မာနှင့် ကမ္ဘာအရပ်ရပ် စိတ်ဝင်စားဖွယ်ရာ သတင်းများ၊ အဖြစ်အပျက်များနှင့် မှတ်သားဖွယ်ရာ၊ ဗဟုသုတရဖွယ်ရာ သတင်းများကို အချိန်နှင့် တပြေးညီ ဖေါ်ပြပေးသည့် ဆိုဒ်တစ်ခုဖြစ်သည်။ ကဏ္ဍတွင် စိတ်ပါဝင်စားသဖြင့် ဆောင်းပါးရေးသားချင်သူများ ဆက်သွယ်နိုင်ပါတယ်
    Blogger Comment
    Facebook Comment

0 comments:

Post a comment