အမေရိကန်နိုင်ငံ အိုဟိုင်းယိုးမြို့ရှိ SPIRE Institute ကျောင်းသား Robert Bobroczky ဟာ အသက် ၁၆နှစ်သာရှိသေးပြီး အရပ်၇ပေ၇လက်မအထိ ပိုင်ဆိုင်ထားတာကာ ဘစ်စကတ်ဘော ကစားသမားအဖြစ် ပါဝင်ဆောင်ရွှက်ဖို့ ပြင်ဆင်နေတာကြောင့် ကမ္ဘာ့အရပ်အရှည်ဆုံး ဘစ်စကတ်ဘောသမားစာရင်းမှာ ပါဝင်လာဖွယ်ရှိလို့နေပါတယ်။
ရိုမေးနီးယားနိုင်ငံသားတစ်ဦးဖြစ်သူ Robert Bobroczky ဟာ အသက် ၁၂နှစ်သားအရွှယ်ကတည်းက အရပ်၇ပေအထိ ရှိနေခဲ့ပြီး ကမ္ဘာ့ဆေးဝါးသမိုင်းတလျောက် အရပ်၈ပေအတိ ဒါမှမဟုတ် ၈ပေကျော်လွန်တဲ့ ၁၈ယောက်မြောက် လူသားတစ်ဦးလည်း ဖြစ်လာနိုင်ဖွယ်လည်းရှိနေပါတယ်။ ဒါပေမယ့် တစ်ခုရှိတာက Robert Bobroczky ဟာ အရပ်သာရှည်နေတာဖြစ်ပြီး ခန္ဓာကိုယ်က အနည်းငယ်ပိန်လှီနေသေးတာကြောင့် သူဖြစ်ချင်နေတဲ့ ဘစ်စကတ်ဘောကစားသမားဖြစ်ဖို့ Body Building လုပ်ဖို့ လိုအပ်နေပါတယ်။
မြင့်မားလွန်းတဲ့အရပ်ကို ပိုင်ဆိုင်ထားသူ Robert Bobroczky ဟာ လွန်ခဲ့တဲ့တစ်နှစ်ခန့်လောက်ကတည်းက သူရဲ့အရပ်အမောင်းကြောင့် စတင်လူသိများလာခဲ့သူဖြစ်ပြီး ထိုအချိန်က သူရဲ့အရပ်ဟာ ၇ပေ၃လက်မအထိ ရှိခဲ့ပါတယ်။ ဒီလို အံသြစရာကောင်းတဲ့ အရပ်ပမာဏကို ပိုင်ဆိုင်တားတဲ့ Robert Bobroczky ရဲ့အကြောင်းကို SPIRE Institute ကျောင်းရဲ့ အလုပ်အမှူဆောင် ဒါရိုက်တာက စိတ်ဝင်စားသွားခဲ့ပြီး ကမ္ဘာကျော်ဘစ်စကတ်ဘော ကစားသမားဖြစ်အောင် လေ့ကျင့်ပျိုးထောင်ပေးဖို့အတွက်အမေရိကကို ခေါ်ဆောင်လာခဲ့ပါတယ်။
Robert Bobroczky ဟာ အရပ်ရှည်ခြင်းရော ဘစ်စကတ်ဘော ကစားသမားဖြစ်ချင်တဲ့စိတ်ရောဟာ ဖခင်ဆီကနေ အမွေဆက်ခံလာခဲ့တာဖြစ်ပြီး Robert ဖခင် Zsiga ကိုယ်တိုင်လည်း အရပ်၇ပေ၁လက်မရှိတဲ့ ဘစ်စကတ်ဘော ကစားသမားဟောင်းတစ်ဦးဖြစ်ပါတယ်။ လက်ရှိမှာ Robert ဟာ ခန္ဓာကိုယ် ကြံခိုင်မှုရှိအောင်နဲ့ အရပ်အရှည်ဆုံး ဘစ်စကတ်ဘောသမားအဖြစ် ကမ္ဘာ့စံချိန်တင်အောင် ကြိုးစားနေလျက်ရှိပါတယ်။ လက်ရှိ ကမ္ဘာပေါ်မှာ အရပ်အရှည်ဆုံး ဘစ်စကတ်ဘော ကစားသမား အင်္ဂလန်နိုင်ငံသား Paul Sturgess ဖြစ်ပြီး အရပ်၇ပေ၈လက်မအထိ ရှိပါတယ်ခင်ဗျာ။
( Vitamin )
#knowledge.thithtoolwin.com
#သစ်ထူးလွင်(ဗဟုသုတနှင့်ထူးဆန်းထွေလာ)
Ref : EW
0 comments:
Post a Comment