Powered by Blogger.

အိပ်ရေးမဝခြင်းက ဦးနှောက်ဆဲလ်တွေကို ဖျက်ဆီးနိုင်


 ဦးနှောက်ဆဲလ်တွေဆိုတာ လူသားတွေရဲ့ ဘဝအစမှာလောက်ကတည်းက ဖွံဖြိုးပြီးသားဆိုပေမယ့် ဦးနှောက်ရဲ့အချို့နေရာများမှာတော့ အရွှယ်ရောက်တဲ့အထိတောင် ဦးနှောက်ဆဲလ်တွေ ဆက်လက်ဖွံဖြိုးလျက်ရှိပါတယ်။

 ဒီဖြစ်စဉ်ကို Neurogenesis လို့ ခေါ်ပါတယ်။ ဒီလို Neurogenesis နေရာထဲကမှ Hippocampus ဆိုတဲ့နေရာကတော့ ဦးနှောက်ရဲ့အရေးအကြီးဆုံး နေရာတစ်ခုဖြစ်ပြီး မှတ်ယူစရာများ ၊ စိတ်ခံစားချက်များနဲ့ လေ့လာသင်ယူမှုများကို ပြုလုပ်ပေးနိုင်တဲ့နေရာဖြစ်ပါတယ်။ ဒီလိုအရေးပါတဲ့နေရာအတွက် လိုအပ်တဲ့ဆဲလ်တွေကို ဖျက်ဆီးပစ်တတ်တဲ့အရာများစွာ ရှိလို့နေပါတယ်။ ဒီထဲကမှ အရေးကြီးဆုံးအကြောင်းအရာတစ်ခုကို ဖော်ပြပေးသွားပါမယ်။

 လူအများစုက အရက်သေစာသောက်စားခြင်းနဲ့ ဆေးခြောက်သုံးစွဲခြင်းတို့သာ ဦးနှောက်ဆဲလ်တွေကို ပျက်ဆီးစေနိုင်တယ်လို့ လက်ခံယုံကြည်ထားကြတာဖြစ်ပါတယ်။ တကယ်တော့ ဦးနှောက်ဆဲလ်တွေကို ပျက်ဆီးစေနိုင်တာ ဒီနှစ်မျိုးတင်မကပဲ အိပ်ရေးမဝခြင်းကလည်း ဦးနှောက်ဆဲလ်တွေကို ပျက်ဆီးနိုင်ပါသေးတယ်။

 National Sleep Foundation ရဲ့ သတ်မှတ်ထားအရ အရွှယ်ရောက်ပြီးသူတိုင်းဟာ တစ်နေ့ကို ခုနှစ်နာရီကနေ ကိုးနာရီလောက်အထိကို အိပ်စက်သင့်ပါတယ်။ ဒီပမာဏလောက် အိပ်စက်ခြင်းက အိပ်စက်ခြင်းအဆင့်ဆင့် ရွှေ့လျားမှုဖြစ်စဉ်ကို ပြုလုပ်ပေးမယ့် ဦးနှောက်အတွက် လုံလောက်တဲ့အချိန်ကို ရရှိစေနိုင်ပါတယ်။ ဒီပမဏဏလောက်မအိပ်စက်ပဲ အိပ်ရေးတွေပျက်နေမယ်ဆိုရင် ဦးနှောက်ဆဲလ်တွေကို ဖျက်ဆီးပစ်နိုင်ပြီး တစ်နေ့တာအတွက် လိုအပ်တဲ့စွမ်းအင်တွေကိုလည်း ကုန်ခမ်းသွားစေနိုင်ပါတယ်။ အိပ်ရေးမဝခြင်းကြောင့် အသက်ခြောက်ဆယ်ကျော်လာတဲ့အခါမှာလည်း မှတ်ညဏ်ချို့ယွင်းမှုတွေ ဖြစ်လာနိုင်တတ်ပါတယ်။



( VitamiN )


#knowledge.thithtoolwin.com
#သစ်ထူးလွင်(ဗဟုသုတနှင့်ထူးဆန်းထွေလာ)

Ref : Medica-Today

Share on Google Plus

About Staff Writer

သစ်ထူးလွင် ဗဟုသုတဆိုဒ်သည် မြန်မာနှင့် ကမ္ဘာအရပ်ရပ် စိတ်ဝင်စားဖွယ်ရာ သတင်းများ၊ အဖြစ်အပျက်များနှင့် မှတ်သားဖွယ်ရာ၊ ဗဟုသုတရဖွယ်ရာ သတင်းများကို အချိန်နှင့် တပြေးညီ ဖေါ်ပြပေးသည့် ဆိုဒ်တစ်ခုဖြစ်သည်။ ကဏ္ဍတွင် စိတ်ပါဝင်စားသဖြင့် ဆောင်းပါးရေးသားချင်သူများ ဆက်သွယ်နိုင်ပါတယ်
    Blogger Comment
    Facebook Comment

0 comments:

Post a comment