အီလက်ထရောနစ်ပစ္စည်းတပ်ဆင်ထားတဲ့မျက်လုံးဟာ မျက်မမြင်လူတစ်ချို့ ရဲ့ အမြင်အာရုံကို ပြန်လည် ဆောင်ကျဉ်းပေးနိုင်ခဲ့ပါတယ်။
မျက်လုံးအတွင်းဝင်ရောက်လာတဲ့အလင်းကိုပြန်လည်တုံ့ ပြန်မှုပြုပေးတဲ့ဆဲလ်တွေ တဖြည်းဖြည်း အလုပ်မလုပ်ရာကနေ အမြင်အာရုံချို့ ယွင်းဆုံးရှုံးလာတဲ့ရောဂါအခြေအနေကြောင့် မျက်စိကွယ်ခဲ့ရတဲ့ လူတွေအတွက် လျှပ်စစ်လှိုင်းပြတ်ရှည်တွေကို ထုတ်ပေးနိုင်တဲ့ အစားထိုးပစ္စည်းတစ်ခုကို သိပ္ပံပညာရှင်တွေ တီထွင်လိုက်နိုင်ပြီ ဖြစ်ပါတယ်။
ဒီ မျက်စိအတွင်းထည့်သွင်းရတဲ့အစားထိုးစက်ပစ္စည်းကြောင့် retinitis pigmentosa (RP) ခေါ် မျက်စိအာရုံခံလွှာပျက်စီးမှုကြောင့် အမြင်အာရုံချို့ တဲ့ကာ မျက်စိကွယ်နိုင်တဲ့ ရောဂါခံစားနေရတဲ့ ဗြိတိန်နိုင်ငံသားပေါင်း ၂၀၀၀၀ ကျော်မှာ မျှော်လင့်ချက်ရောင်ခြည်တွေ သန်းလာရပြီ ဖြစ်ပြီး လေ့လာမှုအရလည်း ဒီစက်ဟာ ပုံရိပ်ပြတ်သားမှုကို ကောင်းမွန်စေကြောင်း တွေ့ ရှိခဲ့ရပါတယ်။
RP ရောဂါဟာ ကြက်မျက်သင့်ရောဂါလို့ ခေါ်ကြတဲ့ ညဘက်မမြင်ရတဲ့ရောဂါကို ဖြစ်စေတဲ့ အဓိကရောဂါ အခြေအနေတစ်ခုလည်းဖြစ်ပြီး ရှားပါးတဲ့မျိုးရိုးလိုက်ရောဂါတစ်မျိုးလည်း ဖြစ်ပါတယ်။ မျက်စိအာရုံခံလွှာမှာတည်ရှိတဲ့ အလင်းဖမ်းတဲ့ဆဲလ်လေးတွေ တဖြည်းဖြည်း ယိုယွင်းပျက်စီးလာမှုကြောင့် ဖြစ်ရကာ နောက်ဆုံးမှာ မျက်စိကွယ်ရတဲ့အထိ ဖြစ်နိုင်ပါတယ်။ ဒီရောဂါဟာ လူ ၄၀၀၀ မှာ တစ်ယောက် ဖြစ်နိုင်တယ်လို့  လည်း သိရပါတယ်။
RP ရောဂါခံစားနေရတဲ့လူနာတစ်ယောက်ကို Argus လို့ ခေါ်တဲ့ အဆိုပါ အစားထိုးပစ္စည်းလေးကို မျက်စိရဲ့အနောက်မှာတပ်ဆင်စမ်းသပ်ခဲ့ရာမှာ Argus ဟာ လျှစ်စစ်သံလိုက်လှိုင်းပြတ်ရှည်တွေ မျက်စိအာရုံလွှာကို တိကျကောင်းမွန်စွာလှုံ့ဆော်မှုပေးနိုင်ခဲ့တာကို တွေ့ ရှိခဲ့ရပါတယ်။
( Mocha )
#knowledge.thithtoolwin.com
#သစ်ထူးလွင်(ဗဟုသုတနှင့်ထူးဆန်းထွေလာ)
Ref : Mirror
0 comments:
Post a Comment