တရုတ်နိုင်ငံမှ အသက် ၁၈နှစ်အရွှယ်ရှိ ဆယ်ကျော်သက်တစ်ဦးဟာ အရှည်ရှစ်လက်မရှိတဲ့ ဇွန်းတစ်ချောင်းကို မတော်တဆမျိုချမိခဲ့လို့ ဆေးရုံတတ်ပြီး ကုသမှုခံယူခဲ့လိုက်ရာ အခုဆို ဗိုက်ထဲရှိရောက်သွားခဲ့တဲ့ဇွန်းကို ပြန်လည်ထုတ်ယူနိုင်ခဲ့ပြီဖြစ်ပါတယ်။
ဖြစ်ရပ်ကတော့ တရုတ်နိုင်ငံ Zhejiang စီရင်စု ယီဝူဒေသမှာရှိတဲ့ ဆေးရုံတစ်ခုကနေ ဆရာဝန်တစ်ဦးက သူ့ဆီမှာ လာရောက်ကုသမှုခံယူနေတဲ့ လူနာတစ်ဦးရဲ့ ဓါတ်မှန်ရိုက်ကူးထားတဲ့ ဓါတ်ပုံကို ဖော်ပြခဲ့ရာကနေ စတင်ခဲ့ပါတယ်။ အဆိုပါ ဓါတ်မှန်ရိုက်ကူးထားတဲ့ ဓါတ်ပုံထဲမှာ အတော်လေးကို ရှည်လျားတဲ့ ထမင်းစားဇွန်းတစ်ချောင်းက ဗိုက်ထဲမှာ ဝင်ရောက်နေတာကို အံသြထိတ်လန့်ဖွယ် တွေ့မြင်ကြရမှာဖြစ်ပါတယ်။ ဆရာဝန်များအနေနဲ့လည်း ဇွန်းတစ်ချောင်းလုံးကိုမှ မျိုချမိခဲ့တဲ့ ဆယ်ကျော်သက်အရွှယ် ကောင်မလေးကို အကောင်းဆုံးခွဲစိတ်ကုသမှုပေးခဲ့ပြီး ခွဲစိတ်ချိန် နှစ်နာရီကြာမြင့်သွားပြီးနောက်မှာတော့ ဗိုက်ထဲကဇွန်းကို ပြန်လည်ထုတ်ယူနိုင်ခဲ့လိုက်ပါတယ်။
ခွဲစိတ်အထူးကု ဆရာဝန်တွေရဲ့ ပြောဆိုချက်အရ ဒီခွဲစိတ်မှုကို သူတို့တွေအနေနဲ့ အတော်လေး ဂရုတစိုက် ကိုင်တွယ်ပြုလုပ်ခဲ့ရကြောင်းနဲ့ လူနာအမျိုးသမီးအနေနဲ့ကလည်း အတန်းတင် စာမေးပွဲကြီး ရှိနေတဲ့အတွက် ခွဲစိတ်မှုခံယူဖို့ သုံးရက်အထိ စောင့်ဆိုင်းလိုက်ရကြောင်း သိရှိရပါတယ်။ အခုတော့ ဇွန်းကို မတော်တဆမျိုချမိခဲ့တဲ့ ဆယ်ကျော်သက် ကောင်မလေးဟာ အကောင်းပကတိအတိုင်း ပြန်ဖြစ်သွားခဲ့ပြီပဲ ဖြစ်ပါတယ်ခင်ဗျာ။
VitamiN
#knowledge.thithtoolwin.com
Ref: Odd News
0 comments:
Post a Comment