အမှုမဲ့အမှတ်မဲ့ ပြုမှုလိုက်တာလေးတွေက တစ်ခါတစ်လေကျရင် တစ်သက်မမေ့နိုင်စရာအထိပါ ဖြစ်သွားတတ်တယ်ဆိုတာကို လူတိုင်းသိရှိထားသင့်ပါတယ်။ အခုလည်း ပိုက်ဆံတွေကို သေချာမသိမ်းဆည်းသွားခဲ့တဲ့ ကလေးအဖေတစ်ယောက်ဟာ သူ့သားငယ်လေးရဲ့ လက်ချက်ကြောင့် ပိုက်ဆံတွေအားလုံးကို ဆုံးရှုံးရမယ့် အခြေအနေကို ရောက်ရှိနေပြီဖြစ်ပါတယ်။
Mr Gao လို့အမည်ရတဲ့ တရုတ်နိုင်ငံသားတစ်ဦးဟာ အလုပ်ကိစ္စတစ်ခုကြောင့် နေအိမ်ကနေ တစ်ပတ်လောက်အထိ ခရီးနှင်ခဲ့ပြီး အိမ်ကိုပြန်လည်ရောက်ရှိလာချိန်မှာတော့ သူ့အတွက် ဆိုးရွှားတဲ့ အဖြစ်အပျက်တစ်ခုက ဆီးကြိုလို့နေပါတယ်။ Mr Gao ဟာ ကတ်ကြေးနဲ့ အစိတ်စိတ် အမွှာမွှာဖြစ်တဲ့အထိကို ဖြတ်ညှပ်ခံထားရတဲ့ သူရဲ့ငွေစက္ကူများကို ( တရုတ်ယွမ်ငွေ ငါးသောင်းကျော်ခန့်လောက် ) ကြမ်းပြင်နဲ့ အိပ်ရာနားမှာ ထိတ်လန့်စဖွယ် မြင်တွေ့ခဲ့ရတာဖြစ်ပါတယ်။
ဒီလို ငွေစက္ကူတွေကို လုံးဝသုံးမရနိုင်တော့တဲ့အထိ ကတ်ကြေးတစ်ချောင်းနဲ့ ဖျက်ဆီးပစ်ခဲ့သူကတော့ အသက်ငါးနှစ်သာရှိသေးတဲ့ Mr Gao ရဲ့ သားငယ်လေးဖြစ်ပါတယ်။ ဒါပေမယ့် ဒီကိစ္စမှာ အဓိကတာဝန်ရှိတာကတော့ ပိုက်ဆံတွေကို ကလေးမြင်သာတဲ့နေရာမှာ ထားသွားမိခဲ့တဲ့ Mr Gao ပဲဖြစ်ပါတယ်။
Mr Gao က ဒီငွေငါးသောင်းကို သူရဲ့စီးပွားရေးလုပ်ငန်းမှာ မြှပ်နှံဖို့အတွက် ချေးငှားထားခဲ့တာဖြစ်ပြီး အခုဆိုရင်တော့ သူရဲ့တန်ဖိုးရှိတဲ့ အချိန်တွေကို ငွေစက္ကူ အစိတ်အပိုင်းလေးတွေ ပြန်ဆက်နေရတဲ့နေရာမှာ မြှပ်နှံနေရပြီပဲ ဖြစ်ပါတယ်ခင်ဗျာ။
#Knowledge.thithtoolwin.com
Ref: Metro
0 comments:
Post a Comment