လူပျိုအပျိုပွဲဆိုတာ အနောက်တိုင်းနိုင်ငံများမှာ ကျင်းပပြုလုပ်နေကြဖြစ်တဲ့ မင်္ဂလာဆောင်အကြို ပါတီပွဲမျိုးဖြစ်ပါတယ်။ ဒီပွဲမှာ အိမ်ထောင်ပြုကြတော့မယ့် လူပျိုအပျိုများက သူတို့ရဲ့သူငယ်ချင်းများနဲ့အတူ အပီအပြင်ကို ကဲကြပြီး သူတို့ရဲ့ လူပျိုအပျိုဘဝကို ပျော်ပျော်ရွှင်ရွှင်နဲ့ နှုတ်ဆက်ကြတာဖြစ်ပါတယ်။
ဒီပါတီပွဲတွေက သူတို့လူမျိုးတွေအတွက် မထူးဆန်းတဲ့ပွဲတစ်ပွဲဖြစ်နေပေမယ့် သတို့သမီးလောင်းတစ်ယောက်ရဲ့ လူပျိုအပျိုပါတီပွဲအတွင်း ပြုမှုခဲ့တဲ့ အမှုအရာများကတော့ သူရဲ့ သတို့သားလောင်းကို တော်တော်လေး စိတ်ထိခိုက်စေခဲ့ရပါတယ်။ ဒီသတို့သမီးလောင်းဟာ သူမအတွက် ပေးထားတဲ့ ပါတီပွဲအတွင်းမှာ ပါတီကို တတ်ရောက်လာတဲ့ ယောကျာင်္းလေးတစ်ဦးနဲ့ ချစ်ရည်လူးနေသလိုမျိုးအထိကို ပြုလုပ်နေခဲ့တာဖြစ်ပြီး သတို့သမီးလောင်းရဲ့ ဘေးနားမှာလည်း သူရဲ့သူငယ်ချင်းများက ဝိုင်းပြီးသြဘာပေးနေကြပါတယ်။
ဒီလို မသင့်တော်တဲ့ ကိစ္စရပ်ကြီးကို ဗီဒီယိုရိုက်ကူးမှုပါ ပြုလုပ်ထားတာဖြစ်ပြီး တစ်စုံတစ်ယောက်က ဒီဗီဒီယိုဖိုင်ကို ခိုးယူပြီး အင်တာနက်ပေါ်မှာ ဖော်ပြခဲ့လိုက်ရာ သတို့သားလောင်းက မမျှော်လင့်ပဲ တွေ့မြင်သွားခဲ့ပြီး သူရဲ့မင်္ဂလာကိစ္စကိုပါ ဖျက်သိမ်းဖို့ ဆုံးဖြတ်လိုက်ပါတော့တယ်။
#knowledge.thithtoolwin.com
Ref
0 comments:
Post a Comment