စာသင်ခန်းထဲမှာ သရဲခေါ်ခဲ့တဲ့ဆရာမ အလုပ်ထုတ်ခံခဲ့ရ

 စာသင်ခန်းထဲမှာ ကျောင်းသားများနဲ့အတူ Ouija လို့ခေါ်တဲ့ ဝိညာဉ်ခေါ်တဲ့အင်းပြားနဲ့ သရဲဝိညာဉ်တွေကိုခေါ်ခဲ့တဲ့ သူငယ်တန်းဆရာမတစ်ယောက်ကို ကျောင်းသားမိခင်တစ်ယောက်က ဖုန်းဆက်ပြီးတိုင်ကြားခဲ့လို့ အလုပ်ထုတ်ခံလိုက်ရပါတယ်။

 အမည်အဖော်လိုသူ ကျောင်းသားမိခင်တစ်ယောက်က သောကြာနေ့ စာသင်ချိန်အတွင်း ဆရာမတစ်ယောက်ဟာ Ouija အင်းဘုတ်ပြားကိုသုံးပြီး သရဲဝိညာဉ်တွေကို ခေါ်ယူခဲ့တယ်လို့ ကျောင်းရုံးခန်းကို ဖုန်းဆက်အကြောင်းကြားခဲ့ပါတယ်။ ကျောင်းသားမိခင်က " ကျွန်မသားပြန်ပြောလို့ သိရတာပါ။ ဒီဆရာမက စာသင်ခန်းထဲမှာ မီးတွေမှိတ်ပြီး ဝိညာဉ်တွေနဲ့ စကားပြောဖို့ သူစီစဉ်ခဲ့တယ်တဲ့။ ဒီလိုလုပ်ရက်တွေက ကျောင်းမှာလုံးဝကို မရှိသင့်တာပါ။ အခုဆိုသားက အမှောင်ထဲမှာနေရတာ ညအိပ်ချိန်ရောက်မှာကို အရမ်းကြောက်နေပြီ " လို့ စိတ်ဆိုးဒေါသထွက်စွာနဲ့ ပြောဆိုသွားခဲ့ပါတယ်။

 ဒီဖြစ်ရပ်နဲ့ပတ်သတ်ပြီး ဆရာမဖြစ်သူကတော့ ဒါဟာ ကလေးတွေကို ဖျော်ဖြေပေးရုံသာသက်သက်ဖြစ်ပြီး ကြောက်လန့်အောင် လုပ်ပေးတာမျိုးမဟုတ်ကြောင်း ရှင်းလင်းပြောဆိုခဲ့ပါတယ်။ ဆက်လက်ပြီး ဆရာမက သောကြာနေ့တိုင်းလိုလိုမှာ သူအနေနဲ့ Ouija ဘုတ်ပြားကိုသုံးပြီး ကလေးတွေစိတ်ဝင်စားကြတဲ့ သရဲများအကြောင်း ပြောပြပြီး သရဲတွေကိုခေါ်ပြတာဖြစ်တယ်လို့ ဆိုပါတယ်။ ဆရာမက သူအနေနဲ့ တကယ်သရဲခေါ်တာမဟုတ်ပဲ ကလေးတွေပျော်ရွှင်ဖို့အတွက် တမင်သက်သက် ပြုလုပ်ထားတာဖြစ်တယ်လို့ ဖြေရှင်းပေးမယ့် သူရဲ့လုပ်ရက်က သူမရဲ့အသက်မွေးဝမ်းကြောင်းကို ထိခိုက်သွားခဲ့ရပါတယ်။

 Ouija အင်းဘုတ်ပြားတွေဟာ ၁၉ရာစုမှာ စတင်ထုတ်လုပ်ရောင်းချခဲ့တာဖြစ်ပြီး အင်္ဂလိပ်အက္ခရာများစွာကို ဘုတ်ပြားပေါ်မှာရေးသားထားပြီး သေဆုံးသွားသူတွေ ဝိညာဉ်တွေနဲ့ ဆက်သွယ်လို့ရနိုင်တဲ့ ထူးခြားတဲ့ပစ္စည်းတစ်ခုဖြစ်ပါတယ်။ ဒီဘုတ်ပြားရဲ့ ကျော်ကြားမှုကြောင့် သရဲဇာတ်ကားများစွာမှာ ထည့်သွင်းသုံးစွဲတဲ့အပြင် Ouija အမည်နဲ့ပင် သရဲဇာတ်ကားနှစ်ကားလည်း ထွက်ရှိခဲ့သေးရာ လူကြိုက်များအောင်မြင်ခဲ့ပါတယ်ခင်ဗျာ။


VitamiN

#knowledge.thithtoolwin.com

Src : Oddity

Share on Google Plus

About Staff Writer

သစ်ထူးလွင် ဗဟုသုတဆိုဒ်သည် မြန်မာနှင့် ကမ္ဘာအရပ်ရပ် စိတ်ဝင်စားဖွယ်ရာ သတင်းများ၊ အဖြစ်အပျက်များနှင့် မှတ်သားဖွယ်ရာ၊ ဗဟုသုတရဖွယ်ရာ သတင်းများကို အချိန်နှင့် တပြေးညီ ဖေါ်ပြပေးသည့် ဆိုဒ်တစ်ခုဖြစ်သည်။ ကဏ္ဍတွင် စိတ်ပါဝင်စားသဖြင့် ဆောင်းပါးရေးသားချင်သူများ ဆက်သွယ်နိုင်ပါတယ်